Бүтээгдэхүүний шинэчлэл

Build AI дээр сүүлд хийгдсэн сайжруулалтууд. Бүтээгдэхүүн тус бүрээр нь биш, сэдвээр нь багцалж бичлээ.

Хамрах хугацаа: 2026.06.23–09.01

2026.08.30–09.01

Төсөл устгахад хамгаалалт, дахин шалгалт, сарын харагдац

Төсөл устгахад хоёр хүн шаардагдах болж, хогийн саванд орсноор эргүүлж сэргээнэ. Гарын үсэг зурсан шалгалтыг шинэ хувилбараар солино. Сарын харагдацын гантт хуанлийн баганатайгаа таарлаа.

Төсөл устгахад хоёр дахь хүн баталгаажуулна. Устгасан төсөл баримт, зураг, фотогоороо шууд алга болохгүй, хогийн саванд хүлээж байна.
Гарын үсэг зурснаар хөлдсөн шалгалтыг шинэ хувилбар үүсгэн солино.
Гарын үсгийн нотолгооны хуудас англи кодын оронд өөрийн хэл дээр уншигдана. Эхэнд нь гардаг байсан түүхий өгөгдөл ч алга болов.
Сарын харагдацад гантт бар, чухал үе шат, суурь шугам, өнөөдрийн зураас өөрсдийн хуанлийн баганан дээрээ буух болов.

2026.08.31

Зөрчил, чанарын акт, hold point

Зөрчлүүд төслийн хэмжээний нэгдсэн бүртгэлтэй болов. Албан ёсны чанарын акт өөрийн дугаартай, батлах урсгалтай бичиг болсон. Hold point-ыг гарын үсгээр чөлөөлж, бүртгэлд үлдээнэ.

Төслийн хэмжээний NCR бүртгэл. Төлөв, шийдвэрлэлтээр шүүж, эх шалгалт руу шилжиж, шийдвэрээ тэндээ бүртгэнэ.
Чанарын акт (ACT-###) үүсгэх, илгээх, хянах шаттай бие даасан бичиг болов. Өдөр тутмын тайлангийн жагсаалтад холилдохгүй.
Hold болон witness цэгийг чөлөөлөх нь гарын үсэгтэй алхам болов. Зөвхөн нэмэгддэг бүртгэлд тэмдэглэгдэж, холбогдох хүмүүст мэдэгдэл очно.

2026.08.30

Чанарын шаардлага, шалгуулах хүсэлт, загварын хувилбар

Чанарын хяналт «энэ ажилд ямар бичиг хэрэгтэй, хэд нь бэлэн болсон» гэдгийг харуулдаг болов. Шалгуулах хүсэлт бие даасан бичиг болж, нийтэлсэн шалгах хуудасны хувилбарыг хожим өөрчлөх боломжгүй.

Шаардлагын бүртгэл чанарын бичиг баримтыг WBS-ийн ажилбар дээр буулгана. Гүйцэтгэлийн шугам харуулж, багцаар үүсгэнэ.
Хүлээлгэн өгөх багц шаардагдах бичгүүдийг нэгтгэж, шаардлагатай ба хийгдсэнийг зэрэгцүүлж харуулна.
Шалгуулах хүсэлт (WIR-###) илгээх, хариулах, цуцлах, дахин илгээх шаттай тусдаа бичиг болов. Түүнээс үүссэн шалгалттай холбоотой.
Шалгах хуудасны загварыг нийтлэхэд тухайн хувилбар түгжигдэнэ. Хожим засвар хийсэн ч хийгдсэн шалгалтын шалгуур өөрчлөгдөхгүй.

2026.08.28–29

Тэмдэглэгээний багаж, зургийг хамтдаа тэмдэглэх

Тэмдэглэгээний багаж барилгын зурагт үнэхээр хэрэгтэй бүрдэлдээ хүрлээ. Нэг хуудсыг хэд хэдэн хүн зэрэг тэмдэглэж, бие биенээ харна. Товчлол монгол гар дээр ажиллана.

Хувилбарын үүл, заагч тэмдэглэгээ, текст тайлбар, буцаах ба сэргээх багаж нэмэгдлээ.
Нэг хуудсыг хэд хэдэн хүн зэрэг тэмдэглэж, бусад нь хаана ажиллаж байгааг харна.
Үзэгчийн товчлолууд монгол гарын байрлалд тохирлоо. Багажны үсэг, томруулах товч бичсэнээрээ ажиллана.
Татаж авсан зурагнаас дарсан тамга, хүчингүй болсны ус тэмдэг алга болдог байсныг зассан.
Зураг хуулбарлах нь хуудас сонгодог, ойлгомжтой үйлдэл болов. Үзэгчид дахин нээхэд ч хурдан.

2026.08.25–26

Тамганы сан, тайлангаа татахгүйгээр унших

Байгууллага бүрд бэлэн тамганы сан үүслээ. Зураг төсөл дээрээ шууд тамга дарна. Тайлангаа батлахын өмнө татаж авалгүй, апп дотроо уншина.

Байгууллага болгонд баталсан, хүчингүй болсон, гүйцэтгэлд шилжүүлсэн зэрэг бэлэн тамганы сан үүслээ. Шошгыг нь тухайн байгууллагын хэлээр харуулна.
Төлөвийн тамгаа зураг төслийн PDF дээр шууд дарна. Хүчингүй болсон хувилбар дээр ус тэмдэг өөрөө суух болно.
Тайлангаа батлахын өмнө PDF-ийг татахгүйгээр апп дотроо уншина. Нээгдэх нь ч эрс хурдассан бөгөөд гар, хулганы дугуйгаар томруулж жижигрүүлнэ.
Нөөцийн тайланд өдрийн нэгж, нэгжийн шүүлтүүр, төлөвлөгөө-гүйцэтгэлийн гистограм нэмэгдлээ. Тоо хэмжээг мянгатаар нь таслан бичих болов.

2026.08.25–26

BuildCost: тайлангийн урсгал, мөнгөн дүн, баримт

BuildCost-ын тайлангууд нэг урсгалаар явж, график нь уншихад дөхөм болов. Мөнгөн дүн апп даяар нэг хэлбэрээр бичигдэж, оруулагдана. Баримтын зургийг гүйлгэж харна.

Тайлангууд нэг урсгалтай болж, график нь дэлгэц уншигчаар уншигдана. Зөвхөн өнгөнд тулгуурлахаа больсон.
Мөнгөн дүн хаа сайгүй нэг хэлбэрээр харагдаж, оруулах талбарт ч мянгатын тасалбартай болов.
Баримтын зураг гар утсан дээр ч гүйлгэж харах горимоор нээгдэнэ.

2026.08.24–25

Зураг төсөл: тэмдэглэгээ, хэмжилт, үйлдлийн бүртгэл

Зураг төсөл дээрээ шууд тэмдэглэгээ хийж, тэндээ хэлэлцэнэ. Хуудсан дээрээс нь хэмжилт авна. Зурагт хийсэн бүх үйлдэл бүртгэлд үлдэнэ.

Зураг дээрээ тэмдэглэгээ хийнэ. Тэмдэглэгээгээ хувьдаа үлдээх ч, бусадтай хуваалцах ч болно. Тэндээсээ шууд асуудал үүсгэхэд хоёр тал нь холбоостой үлдэнэ.
Хуудсан дээрээс уртыг нь шууд хэмжинэ. Идэвхтэй багцаар шүүх, бүртгэлээ хавтас болгон цэгцлэх, хуудаслаж харах боломжтой.
Хувилбарын нэр, өөрчлөлтийн тайлбарыг хожим засаж болно. Хувилбар устгах, PDF-ээс гадна зурган хуудас оруулах боломж нэмэгдлээ.
Байршуулах, устгах, шинэ хувилбар оруулах, тамга дарах, авах — эдгээр бүгд бүртгэлд үлдэнэ. Зураг байршуулбал холбогдох хүмүүст мэдэгдэл очно.
Вэб дэх долоо хоногийн S-муруй долоо хоногийн тайлангийн загвартай таарлаа.

2026.08.21–22

Батлагдсан маягтаар өдөр тутмын тайлан гаргах

Өдөр тутмын тайлан одоо албан ёсоор батлагдсан «Барилгын үе шатны ажлын тэмдэглэл» маягтаар хэвлэгдэнэ. Хоосон нүднүүд нь системд байгаа мэдээллээсээ өөрөө бөглөгдөж, ажиллах хүчний хэсэг бүртгэлээсээ шууд орно.

Өдөр тутмын тайланг батлагдсан «ҮЕ ШАТНЫ АЖЛЫН ГҮЙЦЭТГЭЛИЙН ТЭМДЭГЛЭЛ» маягтаар, нэг хуудсанд багтаан PDF болгож гаргана. Текстээс нь хайлт хийж болно.
Маягтын үлдсэн нүднүүд системд байгаа мэдээллээс өөрөө бөглөгдөнө: цаг агаар, зохиогч ба талбайн ахлагч, техникийн код, ажлын мөрийн WBS бүлэг, өмнөх батлагдсан тайлангуудаас хуримтлагдсан хүн-цаг.
Тайлангийн §1 ажиллах хүчний бүртгэлээс ажилтан тус бүрээр бөглөгдөх болж, хүн сонгох цонхтой болов. Хэвлэхдээ мөрүүдийг нэрээр нь нэгтгэнэ. Маягт өөрөө ч авсаархан болсон.

2026.08.23

Ажиллах хүч, машин механизмын бүртгэлийн багана

Ажиллах хүчний бүртгэл шууд, шууд бус гэж хуваагдаж «Мэргэшил» багана нэмэгдлээ. Машиныг нэг баганаар ялгах болж, МОТ актад зогсолтын цагийг хэрхэн тооцохоо сонгоно.

Ажиллах хүчний бүртгэл шууд, шууд бус хэсэгт хуваагдаж «Мэргэшил» багана нэмэгдлээ.
Машин механизмыг тарсан талбаруудын оронд «Марк загвар / Улсын дугаар» гэсэн нэг баганаар ялгана.
МОТ актад зогсолтын цагийг хэрхэн тооцохоо сонгож тохируулна.

2026.08.22

Гишүүдийг олноор нэмэх, мэдэгдэл өөрийн хэлээр

Төслийн гишүүдийг томилгооны албан тушаалтай нь олноор нэмнэ. Мэдэгдэл бүр хүлээн авагчийн сонгосон хэл дээр гарах болж, гарын үсгийн нээлттэй баталгаажуулах хуудас дахин ажиллав.

Төслийн гишүүдийг нэг дор олноор нэмнэ. Томилгооны албан тушаалыг бичиж эхлэхэд өөрөө санал болгоно.
64 төрлийн мэдэгдэл бүгд орчуулагдлаа. Сонгоогүй хэлээрээ мэдэгдэл ирэхээ больсон.
Гарын үсгийн нээлттэй баталгаажуулах хуудас дахин нээгддэг болов.

2026.08.20

Project Brain: нэр томьёогоор олж, төсвийн мөрөөс хариулна

Project Brain утгын хайлтын хажуугаар нэр томьёог яг тааруулж хайдаг болов. Батлагдсан нийт дүнгээс гадна BuildCost-ын төсвийн мөрөөс хариулна.

Хайлт утга болон яг таарах үгийг хослуулна. Зургийн код, баримтын дугаар, бетоны марк найдвартай олдоно.
BuildCost-ын төсвийн мөрөөс ч хариулна. Батлагдсан нийт дүн төдийгүй нэгж үнэ, тоо хэмжээг хэлж өгнө.
МОТ актын өдрийн мөрүүд № баганатай болсноор бүтэн сар дугаарласан хүснэгт болж хэвлэгдэнэ.

2026.08.19

Япон хэл бүрэн, AI туслах хажуудаа

Япон хэлний хөрвүүлэг бүрэн болж, дутуу орчуулгыг тест барьж авдаг болов. AI туслах дэлгэцийг халхлахаа больж, ажлынхаа хажууд нээгдэнэ.

Япон хэл бүрэн орлоо. Урьд нь монгол, англиар үлдэж байсан дэлгэцүүд орчуулагдсан бөгөөд аль нэг хэл хоцровол тест зогсооно.
Компьютер дээр AI туслах BuildManage, BuildCost хоёуланд хажуу талд тогтоно. Ажлаа зогсоохгүйгээр ярилцана.
Гантт, BIM, зураг төсөл шиг өргөн дэлгэц шаарддаг хэсэгт хажуугийн цэс өөрөө хумигдаж, гарахад буцаад сэргэнэ.

2026.08.17–18

Нөөцийн удирдлага: ажиллах хүчний бүртгэл, АХА акт

Ажиллах хүч, машин механизм хоёр «Нөөцийн удирдлага» гэсэн нэг хэсэгт орлоо. Мэргэжлээр ангилсан бүртгэл өдөр тутмын тайланг бөглөж, батлахад ирц нь бүртгэл рүү буцаж бичигдэнэ. АХА актыг МОТ актын нэгэн адил BuildCost руу илгээнэ.

«Нөөцийн удирдлага» хэсэг ажиллах хүч, машин механизмыг нэгтгэлээ. Ажиллах хүчний бүртгэлд мэргэжил, компани, төлөвлөсөн хүний тоог хөтөлнө.
Тайлангийн §1.2 «Шууд ажиллах хүч» бүртгэлээсээ мэргэжил тус бүрээр урьдчилан бөглөгдөнө. Тайланг батлахад тухайн өдрийн ирц цагийн бүртгэлд буцаж бичигдэнэ.
АХА актыг МОТ актын яг адилаар BuildCost-ын гэрээний хяналт руу илгээнэ. BuildCost хүлээж аваад өртөгт нь тооцно.
Ажиллах хүч, машин механизмын аль алинд «Тайлан» таб нэмэгдлээ. Долоо хоног, сарын гистограм болон цагийн нэгтгэлийг харна.
Хуваарьт байхгүй тайлангийн мөрийг холбогдох WBS-ийн ажилбарт холбох юм уу шинэ ажил болгон бүртгэнэ.
Батлагдсан МОТ актыг менежер буцааж нээнэ. Акт төлөвлөсөн цагийг өөрөө зохиохоо больсон.

2026.08.16

BuildCost: төсвийн хяналт, худалдан авалт, нягт байрлал

Төсөв засах, хянах ажиллагаа жигдэрч, худалдан авалтын батлах алхам ойлгомжтой болов. Хоёр апп хоёулаа нэг дэлгэцэд илүү их зүйл багтаана.

Төсөв засах, хянах явц эхнээс нь дуустал жигдэрлээ.
Худалдан авалтын батлах алхам ойлгомжтой болж, төслүүд болон тойм дэлгэц шинэчлэгдлээ.
Хоёр апп хоёулаа нягт байрлалтай болсноор нэг дэлгэцэд илүү их зүйл багтана.

2026.08.14–15

Гарын үсгээ зургаар оруулах

Цаасан дээр зурсан гарын үсгээ зургаар нь авч бүртгүүлнэ. Тайрах хэсэг, бэхний өнгийг өөрөө сонгоно.

Дэлгэц дээр зурахын оронд цаасан дээрх гарын үсгээ камераар авах юм уу цомгоосоо оруулна.
Хэрэгтэй хэсгээ өөрөө тайрч, бэхний өнгийг хэвээр үлдээх (улаан тамга ч болно) эсвэл нэг өнгө болгоно.
Тайлан батлах цонхонд баримтын нэр тайлангийн нэрээр урьдчилан бөглөгдөнө.

2026.08.13–14

Баримтын нэр солих, P6 импортын анхааруулга, BuildCost

Байршуулсан баримтын нэрийг дахин байршуулалгүй солино. Кирилл нэр нь эвдэрсэн P6 файлыг импортлоход анхааруулна. BuildCost-ын цэсний бүтэц шинэчлэгдэж, монгол хэл урд эгнээнд оров.

Байршуулсан баримтын нэрийг дахин байршуулалгүйгээр солино. Файлын өргөтгөл хэвээр үлдэнэ.
P6 файлын кирилл нэрс аль хэдийн эвдэрсэн бол импортлоход анхааруулж, хэрхэн дахин экспортлохыг зааж өгнө. Хуучин кодчлолыг ч илүү зөв таана.
BuildCost-ын цэсний бүтэц шинэчлэгдэж, монгол хэл урд эгнээнд орлоо. Ачаалж буй болон хоосон дэлгэц нэг маягтай болсон.

2026.08.10–12

Өдөр тутмын тайлангийн шинэ маягт, шалгах хуудасны өргөтгөл

Өдөр тутмын тайланд сонгож болох шинэ загвар нэмэгдэж, босоо A4 PDF болж гардаг болов. Чанарын шалгах хуудасны сан ихээхэн өргөжлөө.

Өдөр тутмын тайланд сонгож болох шинэ загвар нэмэгдлээ. Барилгын тайлангийн хэлбэрт тааруулсан босоо A4 PDF болж гарах бөгөөд хуудаслалт тогтвортой, гарын үсэг хүснэгтээсээ гарахгүй.
Барилгын геодезийн хэмжилтийн шалгах хуудас монгол, англи хэлээр нэмэгдлээ. Мөн хог хаягдлын менежмент, өрөмдлөг, дээж авалт, барилга буулгалтын чиглэлээр 128 хос хэлт үзүүлэлт орсон.
Шалгах хуудсаа ажлын төрлөөс нь эхлэн сонгодог болов. Давхардсан шалгах ажлуудыг нэгтгэсэн.
МОТ актын ажилласан цагийг «Ажиллах цаг − Зогссон цаг»-аар хязгаарлах болсон тул зогсолтын цаг ажилласнаар тооцогдохоо больсон.
Өгөгдөл ихтэй дэлгэцүүд BuildManage, BuildCost хоёуланд мэдэгдэхүйц хурдан нээгдэнэ.
Батлагдсан тайлангийн PDF өргөтгөлтэйгээ татагдах болсон тул PDF болж нээгдэнэ.

2026.08.03–07

Нэг ажилд олон хариуцагч, тайлангийн нарийвчлал

Нэг даалгаварт хэд хэдэн хүн хариуцуулна. Өдөр тутмын тайлангийн гүйцэтгэл буруу ажилбар дээр бүртгэгдэхээ больсон. Долоо хоногийн товч имэйл төсөл тус бүрийн карт болж шинэчлэгдлээ.

Нэг даалгаварт хэд хэдэн хүн хариуцуулна. Хариуцагчийг хасаж ч болох бөгөөд урт нэр самбар дээр таслагдахаа больсон.
Хугацаа хэтэрсэн ч дуусаагүй ажилбар төлөвлөсөн хугацааны маргаашаас алга болохгүй, өдөр тутмын тайланд үлдэнэ.
Өдрийн гүйцэтгэл өөр ажилбар дээр бүртгэгдэх алдаа арилсан.
Долоо хоногийн товч имэйл төсөл тус бүрийн карт болов. Явцын шугам, хоцролтын төлөв, засах холбоос нь дээр нь харагдана.

2026.08.05–08

Машиныг улсын дугаараар сонгох, цэсний тав тух

МОТ актад машин механизмыг улсын дугаараар нь сонгоно. Leanboard-ын долоо хоногийг сервер тодорхойлж, төслийн модулийн таб гүйдэг болов.

МОТ акт үүсгэхэд машин механизмыг улсын дугаараар нь сонгоно. Талбайн дугааргүй нэгжүүд хольж ойлгогдохоо больсон.
Leanboard-ын долоо хоногийг сервер тодорхойлдог болсноор «Энэ долоо хоног» товч зөв долоо хоног дээр очно.
Төслийн модулийн таб самбар сумаар гүйдэг болж, Ерөнхий тайлан Төлөвлөгөөний хажууд шилжлээ.

2026.07.31–08.02

Даалгавар, асуудал нэг дор

Даалгавар, асуудал хоёр тус тусын табтай нэг дэлгэцэд орлоо. Байгууллагын гишүүдийн хуудас шинэчлэгдсэн. Дэлгэцийн төлөв хаягийн мөрөнд үлддэг болсон тул аль ч харагдацаа холбоосоор дамжуулж болно.

Даалгавар, асуудал нэг дэлгэцэд орлоо. Үүсгэх алхам нь нэгдэж, тус тусдаа таб гарсан. Асуудалд нотлох зураг хавсаргана.
Байгууллагын гишүүдийн хуудас шинэчлэгдлээ. Хайлт, тоо харуулсан эрхийн шүүлтүүр, ойлгомжтой тэмдэглэгээ, найдвартай баталгаажуулах цонхтой болсон.
Таб хаягийн мөрөнд тусах болов. Холбоос дарахад яг тэр дэлгэц нээгдэж, буцах товч зөв ажиллана.
Ачаалж буй, алдаатай, хоосон төлөв бүх дэлгэц дээр ижил харагдана.
Талбайн гүйцэтгэл төлөвлөгөөний тайлант огнооноос түрүүлж бүртгэгдсэн ч төслийн тойм дээрх явц зогсохоо больсон.
Нэвтрэх дэлгэцээс Үйлчилгээний нөхцөл, Нууцлалын бодлого руу хэл тус бүрээр холбоос нэмэгдлээ.

2026.07.30

Шалгах хуудасны нэгдсэн сан, нотлох зураг

Батлагдсан шалгах хуудсаа байгууллагын хэмжээнд нэг удаа бэлдээд бүх төсөлдөө ашиглана. Шалгалтын нотлох зураг албан ёсны тайланд шууд орно. Чухал үе шат P6-ийн жишгээр ажиллах болов.

Чанар, аюулгүй байдлын шалгах хуудасны байгууллагын нэгдсэн сан үүслээ. Бэлэн каталогоос сонгох, өөрөө зохиох, Excel/CSV-ээс оруулах бөгөөд бүх төсөлдөө ашиглана.
Зөрчлийн бүртгэлд 10 хүртэл зураг хавсаргана. Шалгах хуудасны мөр бүр өөрийн нотлох зурагтай болсон бөгөөд эдгээр нь PDF, Excel дээр зурган нотолгооны хуудас болж хэвлэгдэнэ.
Чанарын хяналтын ажиллагаа цэгцэрлээ. Үүсгэх, засах нь нэг болж, шүүлтүүр холбоост үлддэг болсон. Зөрчил хаах алхам ч богиноссон.

2026.07.29

Чухал үе шат нэг огноон дээр, ажилбарын шүүлтүүр

Эхлэх, дуусах чухал үе шат P6-ийн адил нэг огноон дээр тогтоно. Тайлангийн Excel-ийг төлөвлөгөө болгон буцаан оруулах бөгөөд ажилбарын самбарыг хариуцагч, хугацаагаар шүүнэ.

Эхлэх, дуусах чухал үе шат P6-ийн жишгээр нэг огноон дээр тогтоно.
Тайлангийн Excel экспортыг бөглөөд төлөвлөгөө болгон буцаан импортлоно.
Өмнөх ажлын холбоосыг ажилбарын цонхноос шууд засна.
Ажилбарын самбарыг хариуцагч, дуусах хугацаагаар шүүнэ. Шинэ ажилбар үүсгэхэд ажлын тоо хэмжээ алдагдахгүй.

2026.07.24–28

Шалгалт дахин ажиллаж, тайлан ба хурд сайжирлаа

Шалгалтын хэсэг талбай дээр ажиллаж буй хүмүүст дахин ашиглагдах болов. Аюулгүй байдлын шалгалтын алхам цөөрсөн. Тайлангийн хуудас хадгалсан тайлангаас эхэлдэг болж, бүх дэлгэц ойролцоогоор нэг секундээр хурдассан.

Шалгалт хэвийн болов. Хариуцагч оноох нь хадгалагдаж, нэр заасан хянагч, ИТА, гүйцэтгэгч шалгах хуудсаа өөрөө бөглөнө.
Аюулгүй байдлын талбайн шалгалт хялбарчлагдаж, эхлэх алхам цөөрлөө. Цонхон дахь сонголтын жагсаалт таслагдах, гүйлгэсэн байрлалаа алдах алдаа арилсан.
Тайлангийн хуудас хадгалсан тайлангаас эхэлдэг болов. Ерөнхий тайлангийн алхам ойлгомжтой болж, монгол, англи, япон хэл бүрэн орсон.
Батлагдсан өдөр тутмын тайланд бүртгэсэн машин механизмын цаг ашиглалтын бүртгэлд дахин очдог болов. Хуучин загвар ашиглаж буй төслүүд ч хамрагдана.
Дэлгэц нээгдэх хугацаа мэдэгдэхүйц богиносож, ачаалал ихтэй үед тогтвортой ажиллана.
Төлөвлөгөөний дөрвөн эгнээ удирдлага нэг хэрэгслийн мөр болж цэгцэрлээ.

2026.07.18–23

Цахим гарын үсэг, бодит явц, машин механизмын цаг

Баримт бичгээ цахим гарын үсгээр баталгаажуулж түгжинэ. Төслүүдийнхээ явцыг бодит цагаар нь харна. Машин механизмын ашигласан цаг өртгийн бүртгэлд шууд холбогдоно.

Батлах явц болон албан ёсны PDF-д зориулсан нэгдсэн цахим гарын үсэг нэмэгдлээ.
Портфолиогийн хүснэгтэд явцын хувь бодит цагаар шинэчлэгдэнэ. Долоо хоногийн өмнөх хуучин тоог харуулахаа больсон.
Талбайн тайланд машин механизмын цаг бүртгэнэ. МОТ актаа апп дотроосоо харах бөгөөд ашигласан цаг өртгийн бүртгэлд шилжинэ.
Хадгалсан харагдац, PDF экспорт, санхүү рүү шилжүүлэх боломжтой захиалгат тайлан үүсгэгч нэмэгдлээ.

2026.07.16–17

Баримт бичиг: үзэх, хувилбарлах, татах

Зураг төсөл, Office файлаа хөтөч дээрээ шууд нээнэ. Хувилбаруудыг нь хадгалж, сонгосон файлаа ZIP болгон татна. Байршуулах үед AI-аар шинжлүүлж болно.

PDF, зураг, HEIC, Office (xlsx/csv/docx), markdown, DXF (CAD) файлыг апп дотроосоо үзнэ.
Файлын хувилбар хөтлөх, жижиг урьдчилсан зураг, ZIP багц татах, өөрийн гэсэн баримтын төрөл нэмэгдлээ.
Баримт дээр AI-ийн шинжилгээ харагдана. Байршуулах үед автоматаар шинжлүүлж болно.

2026.07.13–16

Leanboard-ын өдрийн төлөвлөгөө, долоо хоногийн тайлан

Ажлын тоо хэмжээгээ ажиллах өдрүүдэд хуваарилна. Бодит гүйцэтгэлээс хойших төлөвлөгөөгөө дахин тооцно. Батлагдсан өдөр тутмын тайлан долоо хоногийн тайланд шууд орж, S-муруйн таамаг тодорхой болсон.

Leanboard-ын өдрийн төлөвлөгөө, бодит гүйцэтгэлээс шууд дахин төлөвлөх, шүүлтүүр, долоо хоногийн Excel экспорт нэмэгдлээ.
Төлөвлөгөөнд суурилсан S-муруйн таамаг, төслийн бүтэн хугацааг хамарсан тойм муруй гарна. Суурь төлөвлөгөө тус бүрээр таб харагдана.
Долоо хоногийн тайлан батлагдсан өдөр тутмын тайлангуудаас тоогоо татна. Тайлбар үлдээж буцаах, батлалтыг цуцлах боломжтой.

2026.07.11–13

Портфолиогийн хяналт, жингээр тооцсон явц

Төслүүдээ хөтөлбөр болгон бүлэглэнэ. Портфолиогийн KPI, нэгтгэсэн тайланг гаргана. Ажилбарын эзлэх жингээр явцаа хэмжих болсон бөгөөд төслийн тойм, товч мэдээлэл сайжирсан.

Хөтөлбөр болон нэгдсэн портфолиогийн самбар нэмэгдлээ — KPI, S-муруй, EVM, төслийн төлөв байдлын хүснэгттэй.
Ажилбарын эзлэх жин, BAC түгжих, ажлын тоо хэмжээний хүснэгт, Excel/CSV экспорт нэмэгдсэн.
Долоо хоног тутмын портфолиогийн товч мэдээлэл, хоцрогдол засах шууд холбоос, даалгаварт зураг хавсаргах боломж орлоо.

2026.07.07–11

Project Brain ба хяналттай AI туслах

Төслийн мэдлэгээс эх сурвалж заасан хариулт авна. Өртгийн чат төсөв боловсруулах, баримт бүртгэхийг зөвхөн таны зөвшөөрлөөр хийнэ.

Туслахын самбараас эх сурвалж заасан Project Brain хайлт хийнэ.
Төсөв боловсруулах, баримтын зургаас бүртгэл үүсгэх, өөрчлөлтийн хүсэлт шүүх өртгийн AI туслахууд нэмэгдлээ.
AI өгөгдөл бичих аливаа үйлдлийн өмнө хүнээс заавал баталгаа авна.

2026.06.24–07.06

Өртгийн холбоос, худалдан авалт, WBS тайлан

Материалын хүсэлт шууд худалдан авах захиалгын ноорог болно. Нөөц, нэгж үнэ төлөвлөгөөтэй тохирно. Өртгөө WBS-ээр тайлагнах бөгөөд батлах явц ойлгомжтой болсон.

Материалын хүсэлт → худалдан авах захиалгын ноорог, биелэлтийн үе шат, эх захиалга руу буцах холбоос нэмэгдлээ.
WBS-ээр задалсан өртгийн тайлан, төлөвлөгөөнөөс үүсгэсэн хяналтын төсөв, зардлын нотлох баримт хавсаргах боломж орлоо.
BuildCost-ын төслийн дэлгэц шинэчлэгдэж, вэб сайт, каталог олон хэл дээр шинэчлэгдсэн.

2026.06.23–07.04

P6 төлөвлөгөөний суурь, талбайн тайлан

Primavera-гийн импорт үнэн зөв болж, төлөвлөгөөнд нөөц, EVM-ийн багана нэмэгдлээ. Өдөр тутмын болон долоо хоногийн тайлан төлөвлөгөөнөөсөө өөрөө бөглөгдөж, давхар баталгаажуулалтыг дэмжинэ.

P6-ийн .xer файлыг календарь, хоцролт (lag), хязгаарлалт, ажлын өдрийн онцгой тохиолдлын хамт импортлоно.
Нөөцийн сан, өртөг / нөөц хугацаа (float) / EV багана, төлөвлөгөөнөөс шууд тооцсон EVM-ийн чиг хандлага нэмэгдлээ.
Өдөр тутмын тайланг дуу хоолойгоор бөглөнө. Давхар баталгаажуулалт, PDF-ийн сайжруулалт нэмэгдэж, долоо хоногийн тайлан төлөвлөгөөний өгөгдлөөс бүрдэнэ.